سابق وزیراعظم نواز شریف پر غداری کا مقدمہ،لاہور ہائی کورٹ نے فیصلہ سنا دیا

nawaz-15.png

لاہور( مانیٹرنگ ڈیسک )لاہور ہائیکورٹ کے جسٹس شمس محمود مرزا نے نواز شریف کے خلاف آئین کے آرٹیکل 6 کے تحت کارروائی کے لیے پاکستان زندہ باد پارٹی کی جانب سے دائر درخواست پر 16 مئی کو فیصلہ محفوظ کیا تھا۔جسٹس شمس محمود مرزا نے فیصلہ سناتے ہوئے اس درخواست کو درخواست گزار کی جانب سے واپس لینے کی بنیاد پر خارج کردیا اور درخواست گزار کو متعلقہ فورم سے رجوع کرنے کی ہدایت کر دی۔درخواست گزار نے موقف اختیار کیا تھا کہسابق وزیراعظم کا

ممبئی حملوں سے متعلق بیان ملک سے غداری کے مترادف ہے۔درخواست میں استدعا کی گئی تھی کہ مسلم لیگ (ن)کے تاحیات قائد نے پاکستان اور قومی سلامتی اداروں کو بدنام کیا ہے اس لیے فاضل عدالت ان کے خلاف آرٹیکل 6 کے تحت کارروائی کا حکم جاری کرے۔واضح رہے کہ پاکستان عوامی تحریک کے رہنما خرم نواز گنڈا پور کی جانب سے نواز شریف کے خلاف غداری کا مقدمہ دائر کرنے کی درخواست پر بھی لاہور ہائیکورٹ نے فیصلہ محفوظ کر لیا تھا جو بعد میں سنایا جائے گا۔

یہ خبر جس ویب سائٹ سے لی گئی ہے اس کا لنک یہاں ہے. شکریہ

Leave a Reply

Your email address will not be published. Required fields are marked *