بال ٹیمپرنگ پر مکی آرتھر نے آسٹریلوی کھلاڑیوں کے تمام پول کھول دیے

لاہور( مانیٹرنگ ڈیسک )پاکستان کے ہیڈ کوچ مکی آرتھر نے آسٹریلین کھلاڑیوں کو غیر مہذب اور مغرور قرار دیتے ہوئے کھلاڑیوں اور کرکٹ آسٹریلیا کو بال ٹیمپرنگ کے کلچر کو ختم نہ کرنے کا ذمہ دار قرار دیدیا۔غیر ملکی خبر رساں ادارے کی رپورٹ کے مطابقمکی آرتھر کا کہنا تھا کہ جنوبی افریقہ میں ٹیسٹ میچ کے دوران جو بال ٹیمپرنگ کا واقعہ سامنے آیا وہ کئی سالوں سے جاری اس عمل کے مرتکب افراد کو سزا نہ دینے کا نتیجہ ہے۔کھلاڑیوں اور کھیلوں سے متعلق افراد کے اظہار خیال کے حوالے سے موجود ایک ویب سائٹ پر انہوں نے

لکھا کہ نسل در نسل تبدیلی کے باوجود کرکٹ آسٹریلیا اور اس کی قومی ٹیم نے اس کلچر کو ختم کرنے کے لیے سنجیدگی سے کام نہیں لیا۔انہوں نے کہا کہ انہیں گزشتہ چند سالوں کے دوران آسٹریلین کرکٹ ٹیم کو دیکھ کر بہت مایوسی ہوئی جہاں ان کا رویہ بہت غیر مہذب اور مغرور رہا ہے۔مکی آرتھر کا کہنا تھا کہ اپنے کام سے متعلق آسٹریلین کھلاڑیوں کا رویہ بھی ٹھیک نہیں رہا جو ایک اچھی چیز نہیں ہے۔انہوں نے بتایا کہ جب وہ آسٹریلین ٹیم کے کوچ تھے اس وقت انہوں نے کھلاڑیوں کو خود کو ایک قانون کی حیثیت سے پایا جبکہ کسی بھی طرح کے مسائل ٹیم کے اندر ہی حل کر لیے جاتے تھے۔پاکستان کے ہیڈ کوچ نے بال ٹمپرنگ کرنے پر اسٹیو اسمتھ، ڈیوڈ وارنر اور کمیرون بینکرافٹ پر عائد کی جانے والے پابندی کو سراہتے ہوئے کہا کہ ایسے اقدامات کرنے کی ضرورت تھی۔

یہ خبر جس ویب سائٹ سے لی گئی ہے اس کا لنک یہاں ہے. شکریہ

Leave a Reply

Your email address will not be published. Required fields are marked *