محکمہ خزانہ نے بجٹ 2مئی کو پیش کرنے کیلئے سمری منظوری کیلئے ارسال کر دی ،سرکاری ملازمین کی تنخواہوں اور پنشن میں کتنا اضافہ کیاجارہاہے؟بڑی خبر سنادی گئی

لاہور( این این آئی )محکمہ خزانہ نے آئندہ مالی سال 2018-19ء کا بجٹ 2مئی کو پیش کرنے کیلئے سمری منظوری کے لیے وزیر اعلی پنجاب محمد شہباز شریف کو ارسال کر دی ۔محکمہ خزانہ کے حکا م کا کہنا ہے کہ دیگر صوبوں نے اگلے مالی سال کے بجٹ پیش کرنے کی تاریخ کا اعلان کر دیا ہے جبکہ پنجاب نے تا حال تاریخ نہیں دی۔ پنجاب کا مالی سال 2017-18ء کا 19 کھرب 70 ارب روپے کا بجٹ وزیر خزانہ عائشہ غوث پاشا نے گزشتہ سال 2 جون کو پیش کیا تھا۔ذرائع کے مطابق بجٹ میں سرکاری ملازمین

کیتنخواہوںاور ریٹائر ملازمین کی پنشن میں 10سے 15 فیصد تنخواہوں میں اضافہ متوقع ہے۔دریں اثناء پنجاب حکومت نے صوبائی محکموں کو ایسٹر سے قبل مسیحی ملازمین کو تنخواہوں کی ادائیگی کے احکامات جاری کر دیئے ۔محکمہ خزانہ پنجاب نے اکاؤنٹنٹ جنرل پنجاب اور ڈسٹرکٹ اکاؤنٹس آفیسر کو ہدایات جاری کی ہیں کہ پنجاب حکومت کے ماتحت تمام مسیحی سرکاری ملازمین کو ایسٹر سے قبل تنخواہوں کی ادائیگی کو یقینی بنایا جائے ۔واضح رہے کہ مسیحی برادری یکم اپریل بروز اتوار کو ایسٹر کا تہوار منائے گی۔

یہ خبر جس ویب سائٹ سے لی گئی ہے اس کا لنک یہاں ہے. شکریہ

Leave a Reply

Your email address will not be published. Required fields are marked *